top of page
Ki-na-ni
/ki'na ni/
Sinónimo: Tokayo
Sustantivo: Palabra usá pa referí na un persona di sekso femenino ku ta kompartí e mes nòmber:
Mi kolega yama Sandra meskos kumi, nos ta otro su kinani.
Bon biní serka nos na Kinani Language Enrichment.
Nos sa ku komunikashon ta un nesesidat básiko, meskos ku kuminda i awa. Kinani Language Enrichment te'i pa huntu duna kontesta riba e nesesidat aki. Asina traha huntu pa reforsá di loke nos tin i yega na loke nos mester.
Bon biní
Dikon siña un idioma?
Ken nos ta?
Mishon
E palabra Kinani tabata usá antes ayá pa hende ku tin mes nòmbèr ku otro i esaki ta parti di Kinani Language Enrichment su vishon. Nos ta sigur ku, meskos ku nifkashon di e palabra, nos tin algu en komun ku nos klientenan. Konvensí di esaki nos ta pone nos mes komo un brùg pa yuda nos klientenan alkansá nan metanan. Ku nos produktonan nos ta aportá na fasilitá e proseso di komunikashon na un manera plasentero, pèrkurando semper ku esaki tin un balor agregá na e hende komo persona, i no únikamente e profeshonal òf interesado.
Vishon
Kinani Language Enrichment t’ei pa yuda fasilitá su proseso di komunikashon i desaroyo personal/profeshonal di su klientenan. Huntu ku esaki Kinani Language Enrichment ta konvensí ku e t’ei pa duna un aporte na posishon di papiamentu, komo un idioma krioyo i di minoria, tanto den mundu komo serka e papiadónan ku tin papiamentu komo idioma materno òf di dos idioma.
Nos dosentenan
Kinani Language Enrichment ta konta ku un tim di dosente ku ta karakterisá pa ta personanan dediká i pashoná tantu den loke nan ta hasi komo ku den e aspekto di desaroyo kontinuo di e ser humano. Nan amor pa kompartí nan konosementu, disfrutá di loke nan ta hasi i yuda e ser humano sigui desaroyá ta algun di e karakterístikanan úniko ku ta resaltá di e tim di profeshonal di Kinani.
Nos tim di tradukshon
Tradukshon ta eksigí konosementu di idioma pero tambe eksaktitut den trabou, i esaki ta loke ta karakterisá Kinani Language Enrichment su tim di traduktor. Meskos ku e dosentenan, e tim di traduktor ta dominá diferente idioma, loke ta hasi posibel pa por brinda e servisio di tradukshon pa e idiomanan ingles, hulandes, spañó i papiamentu. Nos no tin un traduktor huramentá den tim, pero semper sa di rekomendá un òtro kolega den e área ku si ta hasi esaki.
Nos kursistanan:
.jpeg)
bottom of page